{"id":7431,"date":"2026-07-14T11:16:27","date_gmt":"2026-07-14T09:16:27","guid":{"rendered":"https:\/\/trabada.gal\/?p=7431"},"modified":"2026-07-14T11:31:55","modified_gmt":"2026-07-14T09:31:55","slug":"o-concello-de-trabada-reclama-con-urxencia-a-xunta-unha-nova-motobomba-para-garantir-a-seguridade-fronte-aos-incendios","status":"publish","type":"post","link":"https:\/\/trabada.gal\/gl\/2026\/07\/14\/o-concello-de-trabada-reclama-con-urxencia-a-xunta-unha-nova-motobomba-para-garantir-a-seguridade-fronte-aos-incendios\/","title":{"rendered":"O Concello de Trabada reclama con urxencia \u00e1 Xunta unha nova motobomba para garantir a seguridade fronte aos incendios"},"content":{"rendered":"

O Concello de Trabada volveu solicitar formalmente \u00e1 Conseller\u00eda do Medio Rural a dotaci\u00f3n dunha nova motobomba para o servizo municipal de prevenci\u00f3n e primeira intervenci\u00f3n en incendios forestais, unha petici\u00f3n que o alcalde, Rub\u00e9n Garc\u00eda, considera \u00aburxente e plenamente xustificada\u00bb tras os \u00faltimos incendios rexistrados no municipio.<\/span><\/p>\n

A trav\u00e9s dun escrito remitido \u00e1 conselleira de Medio Rural, o Concello lembra que esta demanda non \u00e9 nova. Xa no ano 2024 trasladara \u00e1 Xunta a necesidade de renovar este veh\u00edculo debido ao seu avanzado estado de desgaste, unha situaci\u00f3n que, lonxe de mellorar, agravouse co paso do tempo.<\/span><\/p>\n

O incendio rexistrado este luns no Alto do Picato, na parroquia de Vilapena, volveu po\u00f1er de manifesto a importancia de contar con medios adecuados para facer fronte \u00e1s primeiras intervenci\u00f3ns. Como acontece habitualmente, os operarios municipais foron os primeiros en chegar ao lugar do incendio, actuando desde os primeiros minutos para conter o avance das lapas ata a chegada do resto dos servizos de emerxencia.<\/span><\/p>\n

O alcalde de Trabada, Rub\u00e9n Garc\u00eda, participou tam\u00e9n nesa primeira intervenci\u00f3n e puido comprobar, unha vez m\u00e1is, as dificultades que sup\u00f3n traballar cunha motobomba que leva anos acumulando avar\u00edas e reparaci\u00f3ns.<\/span><\/p>\n

\u00abO Concello leva investidos moitos recursos para manter este veh\u00edculo operativo, pero chegou a un punto no que o seu desgaste \u00e9 moi elevado e incluso resulta complicado atopar pezas para continuar repar\u00e1ndoo. Xa non estamos falando dunha mellora, sen\u00f3n dunha necesidade imprescindible para garantir unha resposta r\u00e1pida e segura\u00bb, afirma o rexedor.<\/span><\/p>\n

Rub\u00e9n Garc\u00eda lembra que Trabada \u00e9 un concello cunha ampla superficie forestal, numerosos n\u00facleos rurais e unha poboaci\u00f3n moi dispersa, polo que a primeira intervenci\u00f3n resulta determinante para evitar que un pequeno lume se converta nun incendio de maiores dimensi\u00f3ns.<\/span><\/p>\n

\u00abO noso persoal municipal responde sempre cando hai unha emerxencia. Son os primeiros en chegar, os primeiros en actuar e os primeiros en protexer \u00e1s persoas, \u00e1s vivendas e ao territorio. Non podemos seguir esix\u00edndolles esa responsabilidade sen proporcionarlles os medios adecuados para facelo con seguridade\u00bb, subli\u00f1a.<\/span><\/p>\n

Desde o Concello insisten en que esta petici\u00f3n non responde a un capricho, sen\u00f3n \u00e1 necesidade de dispo\u00f1er dun equipamento esencial para protexer \u00e1 veci\u00f1anza, \u00e1s explotaci\u00f3ns agrarias, \u00e1s vivendas e ao patrimonio forestal do municipio.<\/span><\/p>\n

Por este motivo, o Concello reclama \u00e1 Xunta de Galicia que atenda esta solicitude coa m\u00e1xima urxencia, dotando a Trabada dunha nova motobomba que permita prestar un servizo acorde \u00e1s necesidades reais do municipio e \u00e1s emerxencias que se producen.\u00a0<\/span><\/p>\n\n\t\t