{"id":7553,"date":"2026-10-16T13:20:44","date_gmt":"2026-10-16T11:20:44","guid":{"rendered":"https:\/\/trabada.gal\/?p=7553"},"modified":"2026-10-16T13:20:44","modified_gmt":"2026-10-16T11:20:44","slug":"o-alcalde-de-trabada-manten-diferentes-encontros-institucionais-en-bruxelas-para-abordar-proxectos-e-necesidades-do-municipio","status":"publish","type":"post","link":"https:\/\/trabada.gal\/gl\/2026\/10\/16\/o-alcalde-de-trabada-manten-diferentes-encontros-institucionais-en-bruxelas-para-abordar-proxectos-e-necesidades-do-municipio\/","title":{"rendered":"O alcalde de Trabada mant\u00e9n diferentes encontros institucionais en Bruxelas para abordar proxectos e necesidades do municipio"},"content":{"rendered":"

O alcalde de Trabada, Rub\u00e9n Garc\u00eda Freije, participou durante os \u00faltimos d\u00edas en diferentes reuni\u00f3ns, encontros institucionais e actividades de traballo en Bruxelas, onde tivo ocasi\u00f3n de trasladar as necesidades do municipio, presentar proxectos e establecer contactos con representantes de instituci\u00f3ns europeas e entidades vinculadas ao desenvolvemento territorial.<\/span><\/p>\n

Un dos encontros mantidos foi co eurodeputado Nicol\u00e1s Gonz\u00e1lez Casares, a quen o rexedor trasladou diferentes propostas e cuesti\u00f3ns relacionadas coas necesidades da veci\u00f1anza de Trabada, especialmente aquelas vinculadas \u00e1 realidade dun concello rural.<\/span><\/p>\n

Durante esta reuni\u00f3n, Garc\u00eda Freije presentou tam\u00e9n un proxecto de car\u00e1cter social no que se est\u00e1 a traballar e cuxos detalles se dar\u00e1n a co\u00f1ecer publicamente nas pr\u00f3ximas semanas.<\/span><\/p>\n

O alcalde mantivo igualmente un encontro con Marcos Alonso, embaixador permanente de Espa\u00f1a na Uni\u00f3n Europea, e puido co\u00f1ecer de primeira man as instalaci\u00f3ns da Embaixada Permanente de Espa\u00f1a na Uni\u00f3n Europea en Bruxelas.\u00a0<\/span><\/p>\n

A axenda institucional inclu\u00edu tam\u00e9n unha visita ao Parlamento Europeo, onde tivo a oportunidade de co\u00f1ecer o funcionamento desta instituci\u00f3n e achegarse ao traballo que se desenvolve no \u00e1mbito comunitario.<\/span><\/p>\n

Durante a s\u00faa estancia en Bruxelas, Rub\u00e9n Garc\u00eda Freije participou tam\u00e9n en diferentes actividades vinculadas \u00e1 Semana Europea das Rexi\u00f3ns e das Cidades, entre elas un encontro celebrado na Delegaci\u00f3n do Pa\u00eds Vasco.<\/span><\/p>\n

As\u00ed mesmo, asistiu ao Foro Europeo de Innovaci\u00f3n no Rural, un espazo de encontro arredor dos retos e oportunidades dos territorios rurais, no que se abordaron cuesti\u00f3ns relacionadas co seu desenvolvemento e coa innovaci\u00f3n.<\/span><\/p>\n

Estas actividades permitiron ao alcalde co\u00f1ecer experiencias e iniciativas doutros territorios, as\u00ed como establecer contactos con representantes institucionais e entidades dos \u00e1mbitos p\u00fablico e privado.<\/span><\/p>\n

Garc\u00eda Freije explica que \u00abdurante estes d\u00edas tivemos a oportunidade de trasladar a realidade e as necesidades de Trabada a diferentes representantes institucionais,\u00a0 presentar proxectos nos que estamos traballando e co\u00f1ecer experiencias doutros territorios que tam\u00e9n afrontan os retos propios do medio rural\u00bb.<\/span><\/p>\n

O alcalde destaca igualmente a importancia dos contactos establecidos durante a visita: \u00abUn dos obxectivos destes encontros foi abrir novas v\u00edas de comunicaci\u00f3n e colaboraci\u00f3n <\/span>con instituci\u00f3ns e entidades p\u00fablicas e privadas que poidan resultar de interese para desenvolver futuros proxectos en Trabada\u00bb.<\/span><\/p>\n

A axenda de traballo en Bruxelas permitiu as\u00ed abordar diferentes cuesti\u00f3ns relacionadas co municipio, intercambiar experiencias e explorar posibles colaboraci\u00f3ns institucionais de cara ao futuro.<\/span><\/p>\n\n\t\t