Lunes - Viernes 8:00 am - 15:00 pm

AS OBRAS PARA A RENOVACIÓN INTEGRAL E A HUMANIZACIÓN DA RÚA COTARELO ENTRAN NA SÚA RECTA FINAL

AS OBRAS PARA A RENOVACIÓN INTEGRAL E A HUMANIZACIÓN DA RÚA COTARELO ENTRAN NA SÚA RECTA FINAL

A alcaldesa do Concello de Trabada, Mayra García Bermúdez, xunto aos concelleiros Rubén García e Julia Barcia, estiveron hoxe supervisando as obras de renovación integral e humanización da rúa Cotarelo, xa na súa última fase.O Concello de Trabada conseguiu unha subvención da Xunta de Galicia para cofinanciar esta actuación nun dos viais más céntricos do municipio.

O orzamento total era de 121.000 euros, pero despois da licitación prodúxose unha baixa económica, adxudicándose por 108.295 euros. O concello aporta 40.535 euros, correspondendo o resto ao goberno autonómico, a través dunha axuda de 67.760 euros que tramitou persoalmente a alcaldesa.

“É un proxecto moi importante para unha das principais arterias do noso concello, dotando a zona de novos servizos e humanizando a contorna para facela mais habitable, mellorando así a vida diaria dos nosos veciños e veciñas”, explica García Bermúdez.

Ademáis, a rúa Cotarelo conflúe no seu inicio coa Rúa do Concello, pola que transcurre o Camiño de Santiago Norte–Ruta da Costa, declarado Patrimonio da Humanidade; en frente está situado o concello e un espazo público que conta cunha praza, un parque infantil e a Igrexa Parroquial, polo que tamén mellorará a imaxe de Trabada de cara aos turistas e peregrinos.

Antes dos traballos atopábase cun pavimento moi deteriorado, executado con seccións varias e con dobre sentido de circulación, onde só había un tramo de beirarrúa nos primeiros metros, na marxe dereita, que tamén se atopaba en mal estado.

A renovación consistiu nunha rúa ao mesmo nivel, con beirarrúas a ambos márxenes, un carril de aparcadoiro pola marxe esquerda e un carril de circulación de dirección única.

Con estas obras dotouse á rúa de novas redes de saneamento e abastecemento de auga; alumeado público; canalización de baixa tensión e telefonía; pavimentación da calzada e das beirarrúas, e sinalización vial.

Página anterior O CONCELLO DE TRABADA AMPLÍA ATA OUTUBRO DE 2025 O CONVENIO COA DEPUTACIÓN DE LUGO PARA A XESTIÓN DO CENTRO DE ATENCIÓN AOS MAIORES

Ayuntamiento de Trabada

Rúa do Concello, 15, 27765
Trabada, Lugo

Horario:

Lunes – Viernes: 8:00 am – 15:00 pm

Ayuntamiento de trabada 2021 - Todos los derechos reservados

es_ESEspañol