O Concello de Trabada informa do inicio mañá sábado, 5 de novembro, dos Ciclos Teatrais Mensuais. A primeira representación será “Tres”, do grupo de teatro “El Cioyo”.

Esta será a primeira das 8 obras de teatro programadas no marco deste ciclo ata o vindeiro mes de xuño. A obra representarase ás 21:00 na Casa da Cultura e a entrada será gratuíta ata completar o aforo.

O Goberno local de Trabada busca con estes ciclos teatrais achegar á cultura aos veciños e veciñas da vila. Ademais, estas representacións permiten colaborar con grupos de teatro da comarca.

“Esta iniciativa permítenos apoiar á cultura, tanto dende o punto de vista da creación cultural como dende a perspectiva de ofrecer espectáculos teatrais á cidadanía”, sinala Mayra García, alcaldesa de Trabada.

As representacións continuarán ata o vindeiro mes de xuño de 2023, cun espectáculo distinto cada mes.