O Concello de Trabada informa de que o Instituto de Maiores e Servizos Sociais (Imserso) vén de abrir o prazo para que persoas pensionistas poidan solicitar prazas dentro do Programa de Termalismo Social para o ano 2026.
Poderán participar neste programa aquelas persoas que cumpran algún destes requisitos:
- Pensionistas de xubilación ou incapacidade permanente do Sistema da Seguridade Social español.
- Pensionistas de viuvez con 55 ou máis anos.
- Pensionistas doutros conceptos ou persoas perceptoras de prestacións ou subsidios de desemprego, con 60 ou máis anos.
- Asegurados ou beneficiarios do Sistema da Seguridade Social con 65 ou máis anos.
Prazos de presentación de solicitudes
Para participar no proceso de adxudicación de praza:
- Para quendas de febreiro a agosto: ata o 4 de decembro de 2025.
- Para quendas de setembro a decembro: ata o 15 de maio de 2026.
Para a inclusión na lista de espera (para cubrir prazas vacantes):
- Para quendas de febreiro a agosto: ata o 14 de maio de 2026.
- Para quendas de setembro a decembro: ata o 15 de outubro de 2026.
Desde o Concello de Trabada anímase ás persoas interesadas a solicitar máis información e, no caso de precisalo, pedir axuda na tramitación das solicitudes nas oficinas municipais, onde se prestará apoio para facilitar o proceso.